| namba 07 | |
 | |
 |
|
| namba 07 | |
|
| |
|
|
|
Wanem bambae i hapen long fuija,
long taem we Jisas bambae i kamtru bakegen?
"From we mi go blong mekemrere ples blong yufala, bambae mi kambak blong tekem yufala i kam stap wetem mi...
Naoia, bambae Kraes i Kambak Bakegen ?Wanem bambae i hapen long fuija, long taem we Jisas bambae i kamtru bakegen?
Fastaem mi givim you wan lis blong ol pasis blong Baebol we oli ansarem kwestin we i stap antap long pej ya. Sapos yu yu wantem blong ridim ol pasis ya fastaem, i gud tumas.
Matiu 25:31-46 Jon 5:25-29 Ol Wok 1:9-11 1Korin 15:50-54 1Tesalonaeka 4:15-18 2Tesalonaeka 1:7-10 2Pita 3:10-14 Revelesen 20:11-15
Long ol pasis ya, yumi faenem seven samting we bambae i hapen long Lasdei, taem we Jisas i kambak bakegen. Plis yu luk long seven samting ya we bambae i hapen long sem dei.
1. Jif blong ol enjel hem i singaot bigwan. Long Fas Korin 15:51 i gat tok ya se bambae "bigfala pupu long Lasdei i krae". Olsem long 1Tesalonaeka 4:16 se bambae God i tok, mo jif blong ol enjel i singaot, mo wan enjel i blu long bigfala pupu blong God.
2. Jisas Kraes hem i kamtru long skae. Long Ol Wok 1:11, Jisas i bin go antap long skae, mo ol aposol long hem oli bin luk long hem. Afta, wan klaod i kam nao i haedem Jisas. Afta, wan enjel i talem se, "Jisas bambae i mas kambak bakegen long sem fasin ya we yufala i luk we hem i go antap". Olsem long Revelesen 1:7 i talem se bambae Jisas i kam long klaod, mo ol ae blong olgeta man bambae oli luk hem.
3. Ol man we oli ded finis, bambae oli laef bakegen. Long 1Tesalonaeka 4:16 i gat wan promes se ol ded man we bifo oli stap joen long Jisas, bambae oli girap mo oli laef bakegen. Naoia, Jon 5:28-29 i talem se ol ded man we bifo oli stap mekem ol rabis fasin, bambae oli girap tu long sem taem, from oli mas pas long kot blong Kraes mekem se hem i save jajem olgeta.
4. Ol kristin man oli kasem nuifala bodi Long 1 Tesalonaeka 4:17 i gat promes we ol kristin man bambae oli flae. ?Olsem wanem? Ol bodi blong olgeta, oli no save mekem olsem, from oli nogat wing. Be 1Korin 15:50-54 i talem se ol kristin man bambae oli kasem niufala bodi. Nao nuifala bodi ya, i save kasem heven.
5. Ol kristin man oli go antap blong mitim Jisas
Long 1 Tesalonaeka 4:17 i talem se bambae oli go antap long klaod
blong mitim Jisas, mo oli stap oltaem long heven long gudfala ples blong
olgeta we Jisas i mekemrere finis
6. Ol narafala man oli kasem panis Yu luk long 2Tesalonaeka 1:8-9, Revelesen 20:15 mo Matiu 25:46. I gat panis blong evri man we i no bin obei long Jisas. Panis ya, bambae i kam long Lasdei mo i no save finis. 7. Wol ya i lus olgeta Long 2Tesalonaeka 1:8 i tokbaot "faea we Jisas i laet hem". Long Revelesen 20:11, "Wol mo skae, tufala... i lus olgeta". Nao 2Pita 3:10-13 i talem se long Lasdei God i bonem ol wol wetem faea, mo wol ya bambae i lus olgeta. Nuifala wol i stap long heven.
Hemia nao, "Jisas Masta plis yu kam"
Jos blong Kraes
Written by Ron Graham in Bislama the national language of Vanuatu. Bislama is one of several creoles